Algerlega úti að skíta

Ég hef verið að lesa mér til um Þroska-og námssálarfræði og ég tel mig nú vera algerlega úti að skíta. Ég er kominn á þriðja kafla í 600 blaðsíðnabók og hef glósað voðalega lítið og ég veit að ég á að glósa,,, en kann það ekki og þar með tel ég mig algerlega vera úti að skíta á mig í þessu fagi en ég á góða vini að, þar á meðal hana Þórhöllu, námsráðgjafa í Lindaskóla sem er by the way alger gullpersóna. Hana á ég mikið að þakka og þmt hjálpaði hún mér með umsóknina inn í Kennó.  Og ég vona að mér gangi vel með hin verkefnin og svona vonar maður samt alltaf að maður nái faginu,,,,,,,, fyrirgefið þetta heitir ekki fag heldur námskeið.    ég ætla að taka helgina í þetta og það er bannað að trufla mig, nema smá áfengi hjálpi til eins og núna Parrot Bay líkjör,, bestur í heimi.

 Ennþá er ég að drulla yfir þessa helvítis raunveruleikaþætti eins og dansruslið "So you think you can dance?" og "Pirate Master", og fyrirgefið mér það. Það er bara einn "raunveruleikaþáttur sem ég hef haldið athyglinni og það er "Rich kids cattle drive" á Sirkus. Þarna koma saman ríkir og algerlega útúrspilltir krakkar frægra einstaklinga sem fara í það að reka kúahjörð frá einum stað til annars í nafni góðgerðasamtaka. Og guð minn góður ef ég ætti eitthvert þeirra væri ég fyrir löngu búinn að rassskella þetta helvítis ríka krakkapakk. En ég get ekki annað en hlegið af þessu, sjá þessa andskotans vitleysinga..

 Kiddi kveður ,, í bili

Byrjaður í Kennó

Jæja, elskurnar mínar þá er maður bara byrjaður í alvöru lífsins, eða þannig.  Ég byrjaði á mánudag í Kennó og líkar bara helvíti vel,,, enn sem komið er. Hlakka til að takast á við námsefnið sem bíður mín þetta misserið.

Mér finnst þetta svolítið skrýtið að vera byrjaður í háskóla eftir níu ára fjarveru frá námsbókum, á hinn veginn hef ég verið að stunda "skóla lífsins" og tekst sáttur á við námið mitt.

 Annað var það ekki meira

 

Jú annars,, Getur Stöð 2 ekki fundið eitthvað annað til að sýna á fimmtudags-og föstudagskvöldum og laugardagskvöldum en þessar helvítis leiðindaþætti eins og "So you think you can dance" og "America's got talent". Þvílíka og aðra eins rusldagskrá hef ég aldrei á ævi minni áður séð. Hvað er að gerast á stöð 2? Hafa þeir misst algjöran metnað í að halda afþreyingardagskrá????

 

ó já mig langar til að óska honum Héðni Sveinbjörnssyni forstöðumanni félagsmiðstöðvanna Þebu og Jemen hjartanlega til hamingju með stórafmælið í dag 22. ágúst.  Ég hringdi í hann í dag og óskaði honum til hamingju með áfangan, þá var hann að kaupa hjól með mömmu sinni.   Ætli hann hafi fengið hjálpardekk með?  Nééé ætlið það; hann er orðinn svo stór, strákurinn.   

Til lukku kæri vinur.

Einn koss á kinnina í tilefni dagsins. 

Sjáið bara hvað hann er ánægður með að fá koss í afmælisgjöf.

Kiddi Jói kveður,,,,,, í bili.

Íslensk Kjötsúpa

Ég sit hérna, er að horfa út um gluggann og mér verður starsýnt á Hafnarfjallið mitt góða, sem gnæfir yfir Borgarfjörðinn. Með Borgarnes handan brúarinnar og þaðan liggja leiðir norður, vestur og austur. Ég er búinn að setja kjötið, grænmetið og allt sem því fylgir í pottinn og læt sjóða en á meðan ég er að bíða eftir að það hitni betur undir pottinum læt hugann reika aðeins á meðan. Hmm, fallegt veður, svo hverf ég algerlega inni í sjálfan mig, sem er reyndar ekki erfitt miðað við stærð mína.

Ég er borinn og barnfæddur Borgnesingur, ólst í Bjargslandinu, lék mér við helling af krökkum sem bjuggu þar. Ég er heppinn að hafa alist upp í nýju byggingarhverfi á árunum 1984-1991 þegar Bjargslandið var í mikilli uppbyggingu. Við lékum okkur í byggingagrunnunum, í fjörunni, á engjunum fyrir neðan Mávaklettinn, í grjótnámunni þar sem hellingur af ónýtum bílum var geymdur. Ég ímyndaði mér oft að ég væri í miklum löggu-og bófa eltingarleik eins og í "The Getaway" með Steve McQueen og Ali McGraw. ,,Þið náið mér sko ekki löggusvín" Náttúrulega fylgdi það því að detta og slasa sig aðeins, ég meina kommon, svona var þetta á áttunda áratugnum. Mamma og pabbi vissu alveg hvar ég var og með hverjum. 

...Allt einu heyri ég súpuna sjóða upp úr pottinum. Ég vakna upp frá reikulum huga,  lækka undir súpunni, hræri í henni aðeins og smakka, búinn að salta hana soldið og viti menn, mmmmmm.,Nammi namm. Nú býð ég bara eftir kartöflunum, rófunum og gulrótunum. Hlakka rosalega til að fá mér "eina með öllu".  Ætla svo að setjast upp í sófann, gera ekki neitt nema að láta magann melta og svo leggja í kvöld af stað út á flugvöll að sækja mömmu og Óla Magga, sem eru að koma með Kaupmannahafnarvélinni í kvöld.

Mér finnst kjötsúpa æði........

Verði mér að góðu

 

Ný slóð

Jæja, halló kæru vinir.

Þá hef ég ákveðið að hérna skuli öll mín blogg koma fram í dagsljósið. Reyndar er rigning í þessum skrifuðu orðum hér á Hvanneyri. Ég mun gera mitt besta við að koma með eitthvað vitsmunalegt eins og mér einum er lagið.

Kv. Kiddi Jói