,,Georg! Hentirðu útigrillinu?

,,Já!" ,,Viltu gjöra svo vel og ná í það, því gæti verið stolið!"  Þessi setning ásamt fleirum úr kvikmyndinni "Stella í orlofi" er orðin gulls ígildi. Einhver sú albesta gamanmynd íslenskrar kvikmyndasögu. Ég náði að kaupa mér hana á DVD í Elko. Edda Björgvins, Laddi og Gestur Einar ásamt fleirum. Tær snilld. Mér finnst vanta mikið gerð góðra íslenskra gamanmynda, Ég hef heyrt að Astrópía sé að gera það gott, en mér finnst mikið af því vonda eins og Pétur Jóhann og Sveppi þeir finnst mér vera ofnotaðir í svona hlutverk. Svona 8ís gamanmyndir eins og Með allt á hreinu, Dalalíf, Stella í orlofi, Magnús og Karlakórinn Hekla eru klassískar

Annars mætti mér alveg ganga betur í náminu. Er að byrja á áfanga sem heitir Upplýsingalæsi, sem mér finnst alger steypa, tóm tjara og þvílík þvæla. Leiðbeinendagreyin sem eiga að heita ,,lektorar", eru algerlega úti að skíta og það finnst mér vera vandamál. Ég er ekki ánægður með framsetningu á þessu námskeiði og í alvöru talað er verið að gera fjarnemendum eins og mér sem þjást að skóla-og verkefnakvíða erfitt fyrir, en ég ætla að nota frasa úr Stellu í orlofi.

Þetta er vandamál, en vandamálin eru til að takast á við þau!!

Njótið kvöldsins. Ætla að drekka aðeins meira af Dooleys og Kókómjólk og kíkja kannski á barinn.

Kiddi Kveður.

Athugasemdir

[Maren, 8.9.2007 kl. 22:38]

Ég væri til í barinn.......svo sjaldan sem maður lyftir sér upp!

[Guðmunda (IP-tala skráð) 10.9.2007 kl. 01:26]

Upplýsingatækni er ekkert mál, ekki hafa áhyggjur af henni, skítlett og asnaleg verkefni

[Kiddi Jói, 10.9.2007 kl. 16:36]

Nei, það er alveg satt. Ég ætti frekar að hafa áhyggjur af þroskafræðinni. Við verðum í skylduumræðum þessa vikuna og ég man ekki helminginn af því sem ég er búinn að lesa.

[Magga (IP-tala skráð) 12.9.2007 kl. 21:21]

SKooo, eigum við eitthvað að fara að minnast á þegar að þú og Diddi töluðuð alla Dalalíf í umsjónarmannaferðinni... Ég held að allir hafi orðið geðveikir!

[Kiddi Jói, 13.9.2007 kl. 15:57]

Hey, okkur fannst þetta allavegana fyndið:

[Agný, 17.9.2007 kl. 11:06]

Bara svona smá innlitskvitt...

[Magga (IP-tala skráð) 23.9.2007 kl. 15:34]

Jáff, ykkur fannst það fyndið.. Ekki mér... frekar leiðinlegt að hlusta á tvo gaura tala alla Dalalíf... Sérstaklega þegar aðrir eru að reyna að horfa!!

[Olla (IP-tala skráð) 24.9.2007 kl. 09:28]

Hey heldurðu að Georg sé ekki löngu búinn að sækja útigrillið og komin tími á nýja færslu hjá þér??? Er svona brjálað að gera í skólanum?

Já svo ætla ég að skamma þig fyrir að kíkja ekki á mig inn í kofa í réttunum (kvennfélagið var með kaffið) *skamm*skamm*
Farðu nú að láta sjá þig í sveitinni
Kv. Olla

[Kiddi Jói, 24.9.2007 kl. 14:14]

Æi fyrirgefðu elsku Olla mín, Maður var bara svo bissí að leita að þessum fáu skjátum sínum. Ég skal lofa að fara að koma í heimsókn með vínanda og flottheit.  Svo læturðu sjá þig í partýinu á laugardaginn. Ég ætla að kíkja og tek þig með.

[Guðmunda (IP-tala skráð) 1.10.2007 kl. 15:09]

er ekki kominn tími til að blogga??